ТАНИЛЦ: Хөгжлийн банкны ТУЗ-ийн даргаар Ж.Ганбатыг, гишүүдээр нь Л.Цэдэвсүрэн,П.Сайнзориг, У.Бямбасүрэн нарыг томилжээ

Хөгжлийн банкны  гаргасан нийт зээлийн талаас дээш хувь нь чанаргүй зээлийн ангилалд орж, үйл ажиллагаа нь доголдсонтой  холбоотойгоор Ерөнхий сайд Л.Оюун-Эрдэнэ өнгөрөгч хоёрдугаар сарын 21-ны өдөр Хөгжлийн банкны Төлөөлөн удирдах зөвлөлийг 100 хувь өөрчилж чөлөөлөх, ажилдаа хариуцлагагүй хандан, чанаргүй зээл авсан компаниудын нөлөөнд орсон байж болзошгүй тус банкны 20 гаруй албан тушаалтанг хуулийн байгууллагын саналд үндэслэн ажлаас нь чөлөөлөхийг Хөгжлийн банкны удирдлагад даалгасан.

Энэ дагуу дээрх чөлөөлөлтийг явуулж, шинээр ТУЗ-ийн гишүүдийг томилжээ. 

• Ж.Ганбат Төлөөлөн удирдах зөвлөлийн дарга  Сангийн яамны төрийн нарийн бичгийн дарга
• У.Бямбасүрэн  Төлөөлөн удирдах зөвлөлийн гишүүн ЗГХЭГ-ын дэд дарга
• Л.Цэдэвсүрэн  Төлөөлөн удирдах зөвлөлийн гишүүн БШУЯ-ны төрийн нарийн бичгийн дарга
• Д.Эрдэнэбаяр  Төлөөлөн удирдах зөвлөлийн гишүүн ЭЗХЯ-ны Эдийн засгийн нэгдсэн бодлого төлөвлөлтийн газрын мэргэжилтэн
• П.Сайнзориг  Төлөөлөн удирдах зөвлөлийн гишүүн ХЗДХЯ-ны төрийн нарийн бичгийн дарга

   Хөгжлийн банкны эрх барих дээд байгууллага нь хувьцаа эзэмшигчдийн хурал, түүний чөлөөт цагт төлөөлөн удирдах зөвлөл байна. Төлөөлөн удирдах зөвлөл нь есөн гишүүнтэй байх бөгөөд тэдгээрийн дөрөв нь хараат бус гишүүн байна.  

• С.Насанжаргал  Төлөөлөн удирдах зөвлөлийн хараат бус гишүүн
• Ү.Амарбат  Төлөөлөн удирдах зөвлөлийн хараат бус гишүүн
• Г.Буян  Төлөөлөн удирдах зөвлөлийн хараат бус гишүүн
• Д.Сувдаа  Төлөөлөн удирдах зөвлөлийн хараат бус гишүүн