АНУ-аас БНХАУ-ын албан тушаалтнуудын эсрэг авсан хоригоо цуцлахыг шаарджээ

БНХАУ-ын Гадаад яамны албан ёсны төлөөлөгч Ван Вэньбинь нь мэдэгдэл хийхдээ “Дэлхий дээрх хүний эрхийн хамгийн архаг зөрчигч нь АНУ өөрсдөө” гэсэн байна. Түүнчлэн АНУ-ыг нутгийн уугуул индианчуудыг хайр найргүй хядсаныхаа төлөө, XV зууны сүүлээр таван сая байсан индиан хүн амын тоо XX зууны эхээр 250 мянга болтол багассанд өршөөл эрж уучлал гуйх ёстой гэдгийг Ван Вэньбин онцолжээ.

Үүнээс гадна АНУ-ын эрх баригчид 1 сая гаруй хүн нь COVID-19-өөр нас барсан, 40 мянга гаруй нь галт зэвсэг хэрэглэсэн хүчирхийллийн золиос болсон, арьсны өнгөөр ялгаварласны уршгаар хэдэн арван мянган хүн золиосонд гаргаад байгаагийн хувьд хүний эрхийг сахихтай холбоотой өөрсдийн асуудалд  онцгой анхаарвал зохилтой гэжээ.

 Мөн АНУ нь хүний эрхийн талаар бусдад зааж сургахын оронд Ирак, Сири, Афганистаны дайны эхлүүлж, 330 мянга гаруй энгийн номхон иргэдийг үхэлд хүргэн, 26 сая гаруй хүнийг орон гэрээ орхин дүрвэхэд хүргэснийхээ төлөө дэлхий дахинаас уучлал гуйх хэрэгтэй гэсэн байна.

 Эх сурвалж: people.com.cn