Б.Жавхлан: Тансаг хэрэглээний импортыг хориглох нь зөв

Долларын ханш өссөнтэй холбоотойгоор Монголбанкнаас тансаг хэрэглээний импортыг хориглох саналыг гаргасан. Учир нь 2021 онд 7.9 тэрбум ам.долларын импорт хийснээс 30 хувь нь тансаг хэрэглээ буюу  автомашины импорт буюу Ланд-300, Лексус-600 зэрэг тансаг зэрэглэлийн автомашины худалдаа эзэлж байна. Ойролцоогоор өнгөрсөн онд 500-600 сая ам.долларыг тансаг зэрэглэлийн автомашин худалдан авахад зарцуулжээ.Тиймээс тансаг хэрэглээний импортоо танах саналыг УИХ-д тавих мөн  гаалийн татварыг нэмэх, эсвэл түр хугацаанд оруулахгүй байх санал гаргахаа илэрхийлсэн. 

Энэхүү саналыг дэмжих эсэх байр суурийг Сангийн сайд Б.Жавхлангаас тодрууллаа. Тэрбээр “Долларын гадагшлах урсгал дээр ирж байгаа онц шаардлагагүй дарамтуудыг тэвчиж, салах хэрэгтэй. Судалгааг нь харах хэрэгтэй. Үнэхээр тансаг хэрэглээний импорт төсөв дээр онц их дарамт учруулж байвал тэр шийдвэрийг зөв гэж харж байна. Жилдээ 100 сая доллар дотор дарамт ирдэг бол их нөлөө байхгүй. Хэрвээ 400 сая доллараас дээш дарамт ирдэг бол Монгол банкны  саналыг зөв гэж харж байна” гэлээ.