С.Амарсайхан: Цемент үйлдвэрлэгчид үнээ буулгахгүй бол Хятадаас цемент оруулах зэрэг дараагийн арга хэмжээнүүдээ авна

Дотоодын үйлдвэрлэгчид цементийн үнийг үндэслэлтэй  нэмсэн эсэх асуудлаар Шадар сайд ажлын хэсэг байгуулсан. Энэ талаар Шадар сайдаас мэдээлэл авлаа. 

Тэрбээр БХБЯ, ШӨХТГ-аас хамтарсан ажлын хэсэг байгуулагдсан. Барилгын материалын үнийн өсөлт бодитой юу гэдгийг тогтооно. Ажлын хэсгийн дүгнэлт өнөө, маргаашдаа гарна. Хяналт шалгалтын дүнтэй танилцаж байж дараа дараагийн арга хэмжээг авна. Цемент үйлдвэрлэгч компаниудын тавьсан саналуудыг сайтар судалж байж шийдвэр гаргана. 

Уг нь үндэсний үйлдвэрлэгчид дотооддоо цементээ нийлүүлээд хэн хэнийгээ дэмжээд явбал хаана хаанаа үр өгөөжтэй. Хэрвээ тэгж чадахгүй зардал нь дийлдэхгүй байвал өөр  хувилбаруудыг оруулж ирэхээс аргагүй. Үйлдвэрлэгчид маань эргээд асуудлаа харах байх найдаж байна. Төрөөс бүх талын дэмжлэг үзүүлж тухайн компаниудад Хөгжлийн банкны зээл олгохоос эхлээд хууль эрхзүйн орчныг нь хүртэл бүрдүүлж хамтарч ажиллаж байсан. Тийм учраас асуудалд ул суурьтай хандах ёстой. Хаа хамаагүй шалтгаанаар үнээ нэмээд байх нь хэр зохимжтой вэ гэдгийг бодох хэрэгтэй байх.  Үнэ нэмэгдэнэ гэдэг нь эргээд худалдан авалт буурахад нөлөөлнө. Хэрвээ үнэ буурахгүй бол Засгийн газраас өөр хувилбарууд оруулж ирнэ, хэрэглэгчдэд хямд бөгөөд чанартай бүтээгдэхүүн оруулж ирэх хувилбарыг оруулахаас өөр аргагүй" гэлээ.