Эдийн засгийг сайжруулахад чиглэлд УИХ, Засгийн газрын хамтарсан ажлын хэсэг байгууллаа

УИХ дахь МАН-ын бүлэг ээлжит бусаар хуралдаж, эдийн засгийн шинжтэй зарим асуудлыг хэлэлцсэн байна. 

Энэ талаар МАН-ын  бүлгийн дарга Д.Тогтохсүрэнгээс тодрууллаа. 

Тэрбээр "Улс орны эдийн засгийн байдал хүндхэн байна. Тиймээс холбогдох хүмүүсийн мэдээллийг сонсох хэрэгтэй гэж бүлэг үзээд Сангийн сайд, Гадаад харилцааны сайд, Зам, тээврийн хөгжлийн сайд нарын мэдээлэл, мөн Монголбанкны Ерөнхийлөгчийн мэдээллийг тус тус сонслоо. ОХУ, Украины дайн эдийн засагт хэрхэн нөлөөлж байна, ямар арга хэмжээг авбал зохих талаар мөн экспорт, импорт сүүлийн үед буурсан энэ үед ойрын үед ямар гарц байна вэ гэдгийг ярилцлаа. 

Засгийн газар Монголбанк шуурхай ажиллах хэрэгтэй байна. Тиймээс УИХ, Засгийн газраас ажлын хэсэг яаралтай гарган ажиллах хэрэгтэй гэдэг шийдлийг бүлгээс гаргасан. Валютын ханш өсөх магадлал бий болж, бараа бүтээгдэхүүний олдоц муудаж байна,  инфляци өсөх хандлагатай байна. Тиймээс  эдгээр бүх ажлыг том зургаар нь авч үзэх шаардлагатай гэж бүлгийн гишүүд үзсэн" гэлээ.