Хэвлэл мэдээллийн редакциуд МАН-ын генсек Д.Амарбаясгаланд Хөгжлийн банкны асуудлаар шаардлага хүргүүлнэ

Хэвлэл мэдээллийн редакциуд  нэгдэж 12 цагаас МАН-ын Ерөнхий нарийн бичгийн дарга Д.Амарбаясгаланд Хөгжлийн банктай холбогдсон намынхаа гишүүдэд хариуцлага тооцох шаардлага хүргүүлэхээр болжээ. 

МАН-ын Ерөнхий нарийн бичгийн дарга Д.Амарбаясгалан өмнө хэлэхдээ авлига албан тушаалын хэрэгт хатуу тэмцэх талаар ярьж байв. Тэрбээр Хөгжлийн банктай холбоотой асуудалд иргэний нийгмийн байгууллагууд хэвлэл мэдээллийн хэрэгслүүдтэй хамтран улс төр, ёс суртахууны дарамт үзүүлэн ажиллах байр суурийг илэрхийлсэн юм. Мөн МАН дүрмээрээ намын гишүүд хуулийн хэрэг үүсгэн шалгагдаж байгаа бол намаас түдгэлзүүлэх, шүүхээс гэм буруутайг нь тогтоовол намаас хасна гэж заасан. Энэ дагуу МАН-ын гишүүн албан тушаалаа ашиглан Хөгжлийн банкнаас зээл аван залилсан нь шүүхээр тогтоогдвол албан тушаал харгалзахгүйгээр намаасаа хасах талаар тодорхой мэдэгдсэн.

Гэтэл өнөөдрийг хүртэл Хөгжлийн банкнаас  зээл авсан намын гишүүдээ намаасаа хасаагүй байгаа юм.