Ц.Мөнхцэцэг: Хүүхдэд гар хүрэх огтоос байж болохгүй

Нийслэлийн Ерөнхий боловсролын 97 дугаар сургуулийн хоёрдугаар ангийн багш сурагчийнхаа гарыг цохьсон гэх асуудал олон нийтийн анхаарлыг татаад байна. Уг асуудлаар УИХ-ын гишүүн Ц.Мөнхцэцэг байр сууриа илэрхийлжээ.

УИХ-ын гишүүн Ц.Мөнхцэцэг: Хүчирхийлэл бол “Хүчтэний өмнө хүчгүй нь буруутай” гэдэг ойлголтыг хүүхдэд суулгах аюултай тул хэзээ ч хүлээн зөвшөөрч болохгүй.97-р сургуулийн багшийн асуудлаар олон нийт янз бүрийн байр суурь илэрхийлж байна. Энэ тухайд бодлого боловсруулагчийн хувьд байр сууриа хэлье.Багш хүүхдэд гарч хүрч болдог, энэ угаас байж ирсэн, гар хүрлээ гээд буруудсан юм байхгүй гэж үзэж огт болохгүй шүү. Хүүхдэд гар хүрэх огтоос байж болохгүй.Хүүхэд ингэж эцэг эх юмуу, багшдаа зодуулсан, үеийнхэндээ дээрэлхүүлснээс болж өөртөө итгэх чадвар нь унаж, чөлөөтэй сэтгэх, өөрийгөө илэрхийлэх чадваргүй болгоно. Ер нь явж явж “хүчтэний өмнө хүчгүй нь буруутай” юм байна гэдгийг тухайн хүүхэд, хамт олонд суулгах сөрөг үр дагавартай зүйл. Л.Энх-Амгалан сайд бид нар сургуулийн орчин дахь хүчирхийлэл, дээрэлхэлтийн эсрэг санаачилга гаргаад эрдэмтэн судлаачид, хүний эрхийн зүтгэлтнүүд, иргэний нийгмийн төлөөлөл, БШУЯ, Боловсрлын ерөнхий газрын удирдлагуудтай Хамтарсан ажлын хэсэг байгуулан ажиллаж байна.Энэ хүрээнд хийсэн судалгаа, бүх шатны боловсролын байгууллагын суралцагчдын төлөөлөлтэй уулзаж байхад багш нарын зүгээс зодох байдал их түгээмэл байгаа юм билээ. Тийм учраас үүнийг одоо таслан зогсоох нь зөв.