Э.Золбоо: Ирэх сар гэхэд 130 мянган тонн арматурын нөөцтэй байна

Өнөөдөр /2022.03.16/ БХБЯ-аас барилгын материалын нөөц ямар байгаа талаар мэдээлэл өгсөн. Энэ үеэр Барилга хот байгуулалтын дэд сайд Э.Золбоо " Монгол Улс, БНХАУ хилийн бүсэд халдвар хамгааллын дэглэм сахих цэг байгуулаад өдөрт 50-60 чингэлэг, мөн төмөр замаар 1000 вагон тээвэр оруулж ирэхээр тохиролцоод байгаа. Чингэлэг тээвэрт арматур багтахгүй учраас задгай вагоноор оруулах шаардлагатай бий.

Ер нь манай улсын жилийн арматурын хэрэглээ 250 мянган тонн байдаг.  Үүнээс 80 мянга орчим тонн арматурын нөөц бүрүүлээд байна. Цаашдаа урд хөршөөс арматур оруулж ирэх шаардлагатай байгаагаас ОХУ-аас 30 орчим мянган тонн арматурын худалдан авалт хийгээд байна. Ерөнхийдөө 130 мянган тонн арматурын нөөц ирэх дөрөвдүгээр сард хангагдах учиртай. Тиймээс ирэх 5, 6 дугаар сард бусад арматурыг энэ хэлбэрээр тээвэрлэх төлөвлөгөөтэй байна. Тиймээс энэ зуны бүтээн байгуулалтыг хийхэд арматур болон цементийн хомстол үүсэхгүй хэмээн тооцож байгаа. Гэхдээ цар тахлаас шалтгаалж урд хөрш хилээ хэзээ ч хамаагүй хаах магадлалтай. Харин хойд хөрш маань дайны нөхцөлд буй учраас маргааш юу болохыг тааж мэдэхгүй байна" гэсэн юм.