АНУ-ын Чикаго хотод суугаа Консулын газар болон иргэдийн төлөөллийн байгууллагууд хамтран эх орноо сурталчилна

М.Төгөлдөр

2022/03/16

Монгол Улсаас АНУ-д суугаа ЭСЯ-ны Консулын хэлтсийн дарга, Зөвлөх О.Эрдэнэсамбуу 2022 оны гуравдугаар сарын 14-15-ны өдрүүдэд тус Консулын газарт ажиллажээ.

Тэрбээр Консул Т.Батцэцэг болон Консулын газрын ажилтнуудтай уулзалт хийж, консулын тойрогтой холбоотой ажил, материалыг хүлээлгэн өгч, санал мэдээлэл солилцсон байна.

Зөвлөх О.Эрдэнэсамбуу Консулын газрын ажилтнууд Чикаго хотод идэвхтэй үйл ажиллагаа явуулдаг монгол иргэдийн холбоодын төлөөлөлтэй мөн уулзав. Уулзалтын үеэр иргэдийн төлөөллийн байгууллагууд өөрсдийн үйл ажиллагаа, иргэдэд тулгамдаж буй асуудлуудын талаар танилцуулсан байна.

Консулын газар болон иргэдийн төлөөллийн байгууллагууд хамтран эх орноо сурталчлах, эх хэл, өв соёлоо уламжлан хадгалах, хүүхдийн хүмүүжил, боловсролыг дэмжих зэрэг арга хэмжээг хамтран хэрэгжүүлэх боломжийн талаар дэлгэрэнгүй санал солилцжээ.

Эх сурвалж: Монгол Улсаас АНУ-ын Чикаго хотод суугаа Консулын газар

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ