Өөрөөс нь: А.Бүрэнбаатар хүн ажилд авахдаа авилга авч, хамаарал бүхий компанидаа давуу эрх олгосон уу?

МҮОНРТ-ийн захирал А.Бүрэнбаатарыг яг одоо АТГ-т байцааж, тайлбар авч байна. Тодруулбал: Түүнийг өөрийн хамаарал бүхий компаниар мэдээ, нэвтрүүлэг, контент бэлтгүүлж улмаар төлбөрийг өөрөө авч байсан байж магадгүй гэж МҮОНРТ-ийн ажилчид гомдол гаргасан учир түүнээс ийнхүү мэдүүлэг авч байгаа аж. 
Түүнийг өнөөдөр/2022.03.14/ ажлын байран дээрээс нь Авлигатай тэмцэх газрын мөрдөн байцаагчид баривчилсан байна. Энэ талаар албаны эх сурвалжаас тодруулахад: МҮОНРТ-ийн 75 ажилтныг халж шинээр ажилтан авахдаа дансаар 1000$ буюу ойролцоогоор 3 орчим сая төгрөгийн авилга авсан. Аудитын шалгалтаар худалдан авалт хийхдээ өөрийн хамаарал бүхий компанитай шууд гэрээ байгуулж их хэмжээний худалдан авалт хийж өөртөө болон бусдад давуу байдал олгосон гэх 2 асуудалд холбогдуулан шалгаж байна.