Ноолуур барьцаалж 4 тэрбум төгрөгийн зээл авсан "Пи Си Вай" ХХК 10 саяыг л төлжээ

Хөгжлийн банкны чанаргүй зээлдэгчдийн нэг "Пи Си Вай" ХХК 2018 онд Хөгжлийн банкнаас ноолуур хөтөлбөрийн хүрээнд 4 тэрбум төгрөгийн зээлийг Гүйцэтгэх захирлын шийдвэрээр авсан. 

Гэвч зээлийн үлдэгдэл нь 4.4 тэрбум төгрөг болж, муу зээлийн ангилалд орж, 1111 хоногоор хугацаа хэтэрсэн байна. Тэгвэл хамгийн сүүлд 10 сая төгрөгийн зээл төлсөн байна. 

Тус компанийг АТГ-аас зээлийг зориулалтын дагуу ашиглаагүй байх үндэслэлтэй зэрэг эрүүгийн гэмт хэргийн шинжтэй үйлдлийг шалгаж байна. Зээлдэгчийн удирдлага өөр хоорондоо хөрөнгийн маргаан үүсгэх зэргээр зайлхийж, цаг хугацаа өнгөрөөж байгааг Цагдаагийн байгууллагаас мөн шалгаж буй. 

Түүнчлэн барьцаа хөрөнгө хангалтгүй, үйл ажиллагаа зогссон гэсэн мэдээлэл бий.