УИХ-ын гишүүн Х.Ганхуягийн эгч Хөгжлийн банкны 33 тэрбум зээлнийхээ 404 саяыг нь төлжээ

Хөгжлийн банкны зээлдэгчдийн хэн нь зээлээ төлж эхэлсэн бэ гэдэг мэдээллийг бид цувралаар хүргэж байгаа билээ. 

Тус банкны анхаарал хандуулах зээлийн жагсаалтад орсон "Ухаа худаг" төслийн хөрс хуулалтын оператор  "Вертекс майнинг партнер" ХХК  2020 оны нэгдүгээр сарын 3-ны өдөр Хөгжлийн банкны ТУЗ-ийн шийдвэрээр 33 тэрбум төгрөгийн зээлийг авсан.  Өнгөрсөн хугацаанд 8.5 тэрбум төгийг зээлийн хүүгийн төлбөрт төлсөн бол хамгийн сүүлд буюу энэ оны нэгдүгээр сарын 20-ны өдрөөс хойш 404 саяыг нь буцаан төлжээ. 

Зөрчил:

• Гашуунсухайт-Тавантолгой чиглэлийн авто замын хөдөлгөөн зогсож, "Энержи Рэсурс" ХХК-ийн экспортлох нүүрсний хэмжээ буурсан тул зээлийн зөрчил үүссэн.
• "Ухаа худаг"  уурхайн нүүрсний олборлолтын зогсолт 2020 онд 122 хоног,  2021 оны тавдугаар сараас нүүрс олборлолт дахин зогссон.

Зээлийн зарцуулалтын баталгаажсан, газар дээрх хяналтаар төслийн хүрээнд 44 техник худалдан авсан байна. "Вертекс майнинг партнер” компани 2017 онд байгуулагдаж байжээ. Тус компанийн гүйцэтгэх захирлаар УИХ-ын гишүүн Х.Ганхуягийн хамгийн том эгч нь ажилладаг.