ЦЕГ: Бусдын толгой дээр кофе асгасан гэх Б.Ариунзаяа хилээр гараагүй, хэргийг шалгаж байна

Энэ сарын 01-нд кофе шопт сууж байсан 18 настай эмэгтэйн толгой дээр кофе асгасан гэх Б.Ариунзаяад хууль хяналтын байгууллагаас хилийн хориг тавиад байсан билээ. Тэгвэл өчигдөр /2022.03.08/ Б.Ариунзаяагийн цүнхтэй зургийг нийтэлж “хилээр гарчихлаа” гэх мэдээлэл цахим орчинд олон хүний анхаарлыг татсан. 

Хилийн хоригтой  Б.Ариунзаяа хилээр гарсан эсэхийг түүний аав Г.Батбаяраас тодруулахад, “Охиныхоо талаар ярьмааргүй байна, хилээр гарсан эсэхийг мэдэхгүй” гэв.

Харин түүний өмгөөлөгчөөс тодруулахад “Цахим орчинд явж буй зураг өнгөрсөн жилийнх. Хилээр гараагүй, хуулийн байгууллагын шийдвэрийг хүндэтгэж байгаа” гэх тайлбарыг өгсөн бол ЦЕГ-аас хилээр гараагүй гэх тайлбарыг өглөө.