Сэрэмжлүүлэг: Мөс нимгэрч байгааг анхааруулж байна

Он гарсаар Онцгой байдлын байгууллагад 16 удаагийн гол, нуурын мөс цөмөрсөн дуудлагаар Онцгой байдлын байгууллагын алба хаагчид есөн иргэний амь насыг авран хамгааллаа.

Цаг уурын байгууллагын ирүүлсэн мэдээллээр энэ сарын 2-ны өдрийн байдлаар Монгол орны бүх гол мөрөн, нуур тогтвортой мөсөн бүрхүүлтэй байгаа хэдий ч зарим голын дунд болон адгаар мөсний зузаан өмнөх арав хоногоос 5-15 см нимгэрчээ.

Цаашид  мөс нимгэрч хэврэгших тул цаг хожих, зам товчлох зэргээр мөсөн дээгүүр явах болон авто тээвэр хийхгүй байхыг ОБЕГ-аас онцгойлон анхааруулав.

Хамгийн сүүлд л гэхэд Ховд аймгийн Дөргөн сумын Өгөөмөр багийн “Далайн нуур” гэдэг газар /аймгийн төвөөс зүүн зүгт 100 км, сумын төв/-д Дөргөн нуурын мөсөн дээр зорчиж явсан ачааны автомашин мөс цөмөрч, суужээ. Дуудлагыг 03.02-ны өдрийн 08:37 цагт хүлээн авсан байна.

Тус аймгийн Онцгой байдлын газрын Эрэн хайх аврах, ангийн алба хаагчид 100 км замыг туулан тус сумаас “Далайн нуур” гэдэг газрын чиглэлд зорчиж явсан иргэн Э /56 настай, эрэгтэй/-ийн “Бонго Пронтэр” загварын ачааны автомашин нуурын мөсөнд цөмөрч, живсэн байсныг 02:38 цаг ажиллан татан гаргажээ.