Ж.Сүхбаатар: Хөгжлийн банкны менежментийг гадны мэргэжилтнүүд л сайжруулна, дотроос нь солиод солиод дээрдэхгүй

Хөгжлийн банкны чанаргүй зээлийн асуудлаар УИХ-ын гишүүн Ж.Сүхбаатараас тодрууллаа. 

Тэрбээр" Хөгжлийн банкыг шалгах УИХ-аас байгуулсан ажлын хэсгийг ажлын хэсэг гэж хэлэхэд тун хэцүү. Яагаад гэвэл өмнө нь ажиллаж байсан ажлын хэсгийн дүгнэлттэй танилцах л үндсэн чиглэлтэй ажиллах  юм билээ. Тэгэхээр хяналт шалгалтын түр хороог байгуулах шаардлагатай гэж үзэж байна. Хариуцлагын тухайд хөөн хэлэлцэх хугацааг буцаагаад сэргээх хэцүү. Чанаргүй зээлээс харахад Хөгжлийн банк авлигажсан нь бодитой үнэн байна. Хөгжлийн банк хөгжлийг хурдасгуур байх ёстой байх болохоос биш хөгжлийн саад байж болохгүй. Улс төрийн нөлөөтэй, улс төрийн эрх мэдэлтэй ойр байгаа хэсэгтэй л Монгол Улсын бүх авлига холбогддог. Нам, сонгууль, төсөв, тендер нь ч тэр. Хөгжлийн банкыг цэвэрлэх гэж байгаа бол одоо томилох ТУЗ-д анхаарах ёстой. Гаднаас мэргэжилтнүүд авчирч томилох нь зөв гэж үзэж байна.  Авлигад идэгдсэн улс орнууд аргаа барсандаа гадны мэргэжилтнүүдийг урьж томилдог" гэсэн байр суурийг тэрбээр илэрхийллээ.

ВИДЕО ШУУД ҮЗЭХ: