Ч.Ганхуяг: Төрийн оролцсон юм эзэнгүйдэж дампуурдагийн жишээ нь Хөгжлийн банк

Хөгжлийн банкны үйл ажиллагааг хэрхэн сайжруулах талаар Ард Санхүүгийн Нэгдлийн Гүйцэтгэх Захирал Ч.Ганхуягаас тодрууллаа. 

Тэрбээр " Хөгжлийн банкны асуудлыг нухацтай, углуургаар нь авч үзэх ёстой болов уу.  Хуулийг нь  анх батлах үеэс л би төрийн өмчийн компаниудад засаглал ямар чухал вэ гэдгийг  ярьж байсан. Төр өөрөө ард иргэдийн нэрийн өмнөөс аж ахуйн үйл ажиллагаа явуулаад байх нь хэр зохимжтой вэ гэдэг асуудал. Оролцож байгаа тохиолдолд засаглал нь хараат байх талаар анхаарах ёстой. Хуульдаа тусгагдсан хэдий ч харамсалтай нь ахиц дэвшил гараагүй. Яагаад гэвэл улс төрд сонгогдсон хүмүүс нь өөрсдийнхөө хүнийг төрийн аж, ахуй нэгжийн удирдлагуудад томилж эрх ашгаа гүйцэлдүүлдэг нь нууц биш. Улсын өмч гэдэг эзэнгүйтэй адилхан, дампуурдаг. Тиймээс өнөөдөр төрийн өмч дахь засаглалын тогтолцоо харах шаардлагатай.   Төр, хувийн аль аль нь оролцож бие биеэ хянадаг "Монгол шуудан" ХК шиг тогтолцоо руу орж байж төрийн хулгай гарахгүй.  Нөгөө талдаа Худалдаа хөгжлийн банкны  чанаргүй зээлийг хоёр түвшинд авч үзэх нь зөв. Цар талын нөлөөгөөр зээлийн эргэн төлөлтөд саад учирсан тохиолдолд эргэж харах, харин авсан зээлээ зориулалтын бусаар ашигласан тохиолдолд хариуцлага ярих ёстой" гэлээ. 

х