300 гаруй бог нь хорогдсон малчин айлд Сэлэнгэ аймгийн Мэргэжлийн хяналтын газар очиж, ажиллажээ

Сэлэнгэ аймгийн Хүдэр сумын малчин айлын 300 гаруй мал хорогдсон талаар бид мэдээлсэн. Тодруулбал, тухайн айлын мал тариалангийн талбай хавиар бэлчихдээ чацга алдаж, өдөрт 3-4 бог үхдэг талаар Хүдэр сумын малчин А.Цогтгэрэл ярьсан. 

Уг асуудлаар тухайн аймгийн мал эмнэлгийн газраас малаас нь шинжилгээ авсан ч малынх нь уушгинд хялгасан хорхой байгаа тул "малаа туулга" гэх дүгнэлт гаргажээ.

 Харин малчин А.Цогтгэрэл уг дүгнэлт нь ташаа учраас Мэргэжлийн хяналтын байгуулагад шалгуулж, малаасаа цусны шинжилгээ авхуулах хүсэлтэй байгаагаа илэрхийлсэн. Түүний ярьснаар мал нь тариалангийн талбай хавиар цацсан болцийн хорноос болж хорогдож байгаа талаар ярьж байсан юм. 

Тэгвэл манай сурвалжлах багийн мэдээлэл гарсны дараахан Сэлнгэ аймгийн мал эмнэлгийн газар, аймгийн мэргэжлийн хяналтын газраас тухайн айлд очиж малаас нь цусны шинжилгээ болон бусад шинжилгээ авчээ. Ингэхдээ аймгийн лабораторит бус УБ хотын Мал эмнэлэг ариун цэврийн төв лаборатори луу явуулах талаар мэдээлжээ.

Уг шинжилгээний хариу хэрхэн гарахыг та бүхэндээ эргэн мэдээллэх болно.