Харьков хотод амьдардаг манай улсын 18 оюутан галт тэргэнд сууж амжжээ

Монгол Улсын Гадаад харилцааны яам Украин улсад байгаа монгол иргэдийг аюулгүй татаж авах ажлыг зохион байгуулж байгаа билээ. Дайны халуун цэг болох Харьков  хотод сурч буй манай улсын 18 оюутны долоо нь  тус хотод оршин суудаг Монгол аавтай Украины иргэн эмэгтэйн хамтаар Львов хот руу өнөөдөр орон нутгийн цагаар 13.30-д галт тэргээр хөдөлсөн байна. Тэдний араас Харьков хотод үлдсэн 11 эрэгтэй оюутан өдөр 15.30 цагийн галт тэргэнд мөн амжиж суужээ. 

Тэдэнтэй хамт Украин гэр бүлтэй манай улсын иргэн н.Тэгш-Очир эхнэр хоёр хүүхдийн хамт Львовын чиглэлийн галт тэргэнд суусан байна. Львов хот нь Польшийн хилийн ойролцоо оршдог бөгөөд эдгээр иргэнийг Польшийн хилээр нэвтрүүлж эх оронд нь авчрахаар төлөвлөж байгаа талаар холбогдох албаныхан мэдээллээ.