Н.Анхбаяр: Оюутнуудыг хүнд байдалд оруулсан буруутай албан тушаалтнуудад хариуцлага тооцно

Гадаад харилцааны яамнаас мэдээлэл хийлээ. Гадаад харилцааны яамны Төрийн нарийн бичгийн дарга Н.Анхбаяр " Хоёрдугаар сарын 24-нөөс хойш 24 иргэнийг аюулгүй бүсэд оруулсан. Үүнээс гурван иргэн өчигдөр Монголд ирсэн. Харьковт байгаа иргэдээс 15 нь гуравдугаар сарын 3-нд Монголд ирнэ. Украин Польш улсын хил дээр найман иргэн ирсэн бөгөөд Элчин сайдын яамны ажилтнууд хилийн зурвас руу орж авахаар ажиллаж байна. Ингэснээр Харьков хотод 23 хүн байна. Үүнээс 18 нь оюутан. Оюутнууд бүгд хоргодох байранд байна. Нөхцөл байдал тэнд маш хүнд байгаа. Эдгээр хүнийг татаж авах ажил дээр төвлөрч байна. 

 Хариуцлагын асуудал Элчин сайд болон тодорхой албан тушаалтнуудад яригдана. Гэхдээ нэн тэрүүнд оюутнуудаа аврах нь чухал байна. Оюутнууд бүгд хорогдох байранд байгаа. Харьков руу орох гарах бүх хөдөлгөөн хаагдсан. Тусламж дэмжлэг оруулах гэхээр боломжгүй байна. Аюултай бүсээс аюулгүй бүс рүү оруулах асуудлыг ярьж байна.