"Оюутолгой" компанийн гүйцэтгэх захирал Армандо Торрес ажлаа өгчээ

“Оюутолгой” компанийн гүйцэтгэх захирал Армандо Торресын томилогдсон хугацаа дуусгавар болсон тул тэрбээр ажлаа өгчээ. 

Армандо Торрес  2016 оноос эхлэн “Оюутолгой” компанийн Төлөөлөн удирдах зөвлөл (TУЗ)-ийн гишүүн бөгөөд Рио Тинто компанийн “Оюу толгой”-г хариуцсан захирлаар ажиллаж байгаад 2017 оны тавдугаар сард гүйцэтгэх захирлаар томилогдож байв.

А.Торрес нь сүүлийн 10 гаруй  Рио Тинто группт удирдах ажил эрхэлсэн. Тэрбээр ажлын гараагаа Рио Тинтогийн Хөнгөн цагааны группийн Үйл ажиллагаа эрхэлсэн захирлаар эхлүүлсэн ба Австрали, Канад дахь үйл ажиллагааг хариуцан ажилласны дараа Үйл ажиллагаа, өөрчлөлт хариуцсан захирлаар улмаар гүйцэтгэх захиралд томилогдсон.