ГХЯ нийт 24 иргэнээ Польш улсад татан авлаа

Монгол Улсаас Польшид суугаа Элчин сайдын яамны ажилтнууд дахин 16 иргэнээ орон нутгийн цагаар 17:30 цагт Польш-Украины хилийн зурвасаас тосч авсан болохыг Гадаад харилцааны сайд Б.Батцэцэг цахим хуудсаараа дамжуулан мэдэгджээ. Ингэснээр нийт 24 иргэн Польш улсад ирсэн аж. Үүнээс өчигдөр гурван иргэн эх орондоо буцсан бол Польшид байгаа дээрх иргэдээ хамгийн ойрын нислэгээр явуулахаар ажиллаж байгаагаа мэдэгдлээ.

Иргэдийг татан авахад шаардлагатай зардлыг Засгийн газраас гаргаж, нэг иргэнийг эх оронд нь буцаан авчрахад 3-4 сая төгрөг зарцуулах тооцоо гарсан. 

Харьков хотод нөхцөл байдал сайжирмагц тус хотод байгаа үлдсэн 18 иргэнээ ойрын хугацаанд татан авахаар төлөвлөсөн. Хэрэв  тэдний хоол хүнсний хангамж муудвал хоол хүнсний тусламж үзүүлнэ ГХЯ-наас мэдээлсэн.