Ж.Эрхэмбаатар: Зээл авсан таван компанид дампуурлын ажиллагааг эхлүүлнэ

Хөгжлийн банкны Үйл ажиллагаа хариуцсан дэд захирал Ж.Эрхэмбаатартай сэтгүүлч Н.Өнөрцэцэг ярилцлаа.

Тэрбээр ярилцлагадаа "Зарим нэг хуулийн этгээд дээр дампуурлын хэрэг хянан шийдвэрлэх ажиллагааг эхлүүлэхээр төлөвлөж байна. Судалгаа нь хийгдэж байна. Тухайн хуулийн этгээдийг дапууруулах гэхээсээ илүүтэй хяналт тогтооно . Дампуурлын процессийн нэг давуу тал нь хурдан хугацаанд  шийдвэрлэгдэх боломжтой. Хоёр дахь давуу тал нь  шүүхийн шийдвэр гэхээсээ илүүтэй нэхэмжлэгчийн хурлаас үндсэн шийдвэрүүд гардаг. Гуравдугаарт үүрэг гүйцэтгэгч томилоод тухайн компанид хяналтаа тогтоож, архив материал, данс, зээлийн зарцуулалт, хөрөнгө  дээрээ хамгаалалт тогтоох бололцоог олгодог. Эзнийх нь оронд очиж эзэн болж хяналт тавина гэсэн үг. Тэгэхээр зарим зээлийн эргэн төлөлтөд эрсдэл үүссэн гэж үзвэл дампуурлын хэрэг хянан шийдвэрлэх ажиллагааг эхлүүлнэ. Нийтдээ таван компанид дампуурлын ажиллагааг эхлүүлнэ. Нэрсийг нь  одоохондоо хэлэх боломжгүй. Магадгүй тэр тэр компанид дампуурлын хэрэг үүсгэх гэж байна гээд хэлчихвэл түүнд бэлдэх эрсдэлтэй учраас нээлттэй зарлах боломжгүй" гэдгийг тодотгосон юм.