Цахилгааны төлбөр нь их гарсан айл, өрхүүдийн анхааралд

Ш.АДЪЯАМАА

2022/02/25

Гэр хороололд амьдардаг хэрэглэгчдийн хувьд 350 кВт.цаг хүртэл, орон сууцанд амьдардаг айл өрхийн хувьд 250 кВт.цаг хүртэл хэрэглэсэн цахилгаан эрчим хүчний төлбөрийг 2022 оны тавдугаар сарын 31-нийг хүртэл Засгийн газраас хариуцан төлөх шийдвэр гаргасан. Харин энэ хэмжээнээс илүү гарсан хэрэглээний төлбөрийг иргэд өөрсдөө төлөх юм.

Уг шийдвэрийн хэрэгжилттэй холбогдуулан УБЦТС ТӨХК-аас “Цахилгаан эрчим хүчний төлбөр тооцоог зохицуулах түр журам”-ын дагуу хэрэглэгчийн ангилал, тоолуурын төрлөөс хамааруулж хөнгөлөлт эдлэх зохицуулалт болон цахилгааны төлбөрийн дүнд эргэлзэж буй хэрэглэгчдэд зөвлөмж өглөө.

АЙЛ ӨРХӨД БОРЛУУЛАХ ЦАХИЛГААНЫ ТАРИФ

Айл өрхөд борлуулах цахилгааны тарифыг (НӨАТ-гүй) ангиллаас нь хамааруулан төлбөр тооцох үзүүлэлтийн нэгжид дараах байдлаар тогтооно.

№	Хэрэглэгчдийн ангилал	Хэмжих нэгж	Тариф
1	Энгийн тоолууртай
а	Сарын нийт хэрэглээний 150 кВт.ц хүртэлх хэрэглээ	Төг/кВт.ц	110.49
б	Сарын нийт хэрэглээний 151 кВт.ц болон түүнээс дээших хэрэглээ	Төг/кВт.ц	130.29
2	2 тарифт тоолууртай
а	Өдрийн хэрэглээ /өглеөний 06.00 цагаас шөнийн 21.00 цаг хүртэл/	Төг/кВт.ц	116.39
б	Орой, шөнийн хэрэглээ /оройн 21.00 цагаас өглөөний 06 00 цаг хүртэл/	Төг/кВт.ц	89.19
3	Сарын суурь тариф	Төг/сар	2,000.0

АХУЙН ТООЛУУРГҮЙ ЦАХИЛГААН ХЭРЭГЛЭГЧДИЙН ТӨЛБӨР ТООЦОХ САРЫН ДУНДАЖ ХЭРЭГЛЭЭ

Ахуйн тоолуургүй цахилгаан хэрэглэгчдийн төлбөр тооцох сарын дундаж хэрэглээг төлбөр тооцох үзүүлэлтийн нэгжид дараах байдлаар тогтооно.

№	Ангилал	Хэмжих нэгж	Сарын хэрэглээ
1	Айл өрх	кВт.ц	350

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ