Харьков хотын оюутан: 05:00 цагт дэлбэрэлтийн чимээнээр сэрсэн, дайн болохгүй гэж тохуурхаж байсан ч одоо нуувчинд орохыг зөвлөж байгаа

Бид Украины Харьков хотын нисэхийн сургуульд суралцаж буй монгол оюутантай холбогдож нөхцөл байдлыг тодрууллаа. Өнөөдөр үүрээр Украины цагаар 05:00 цагт дэлбэрэлт, буудалцааны чимээнээр сэрсэн тухайгаа тэрээр хэллээ. Харьков хотын цэргийн сургууль нь хилээс 2-3 километрийн цаана байдаг учир дайн эхэлсэн нь бидэнд маш тодорхой мэдрэгдэж байна гэсэн юм. Шадар сайд С.Амарсайхан Украинд байгаа 30 гаруй монгол оюутныг нэн яаралтай татан авахаар ажиллаж байгаа тухай өнөөдөр мэдээлсэн. Тэгвэл эх орондоо ирэх хүсэлтэй байгаагаа удаа дараа илэрхийлж байсан ч хүлээж аваагүй гэдгийг хэлж байна. Тэр ч бүү хэл консулын газрын гадаад харилцааны ажилтан нь "Хаана дайн байна? Сураг, таамаг төдий зүйл ярих хэрэггүй. Дайн болохгүй" гэж хэлж байсан гэдгийг хэлсэн юм. Түүнчлэн монголын зүгээс оюутнуудаа татах тухай албан бичиг өгөхгүй байснаас үүдэж сургуулт маант нэг бол сургуулиа хаяад явах үгүй бол явж болохгүй гэж хэлсэн учир өнөөдөр нөхцөл байдал ийм дээрээ хүрлээ” гэсэн юм.

Одоогийн байдлаар Харьков хотын иргэд шатахуун, АТМ-д дугаарласан байдалтай байна. Бараа, бүтээгдэхүүн, шатахууны үнэ өссөн, дэлгүүрүүдийн лангуу хоосон байгаа аж.