​С.Амарсайхан: "Эрдэнэт Медипас"-ийг улсад буцааж, бүсийн оношилгоо, эмчилгээний төв болгоно

"Эрдэнэт Медипас"-ийг улсад буцаан авч, ЭМЯ-ны харьяанд шилжүүлэн бүсийн эмчилгээ, оношилгооны төв болгохоор болжээ.

Энэ талаар Шадар сайд С.Амарсайхан “Эрдэнэт медипас" эмнэлгийг үнэгүй хувьчилж аваад зогсохгүй, 2016-2020 оны хооронд “Эрдэнэт” үйлдвэрээс 12.7 тэрбум төгрөгийг ажилчдын үзлэг хийх нэрийдлээр авсан байна. Үүнийхээ 6.6 тэрбум төгрөгийг эмнэлгийн төлбөр гэж буцаан “Эрдэнэт” үйлдвэр рүү шилжүүлсэн байсан.  Төрийн өмчийг үнэгүй авчихдаг, дээрээс нь төлбөр тооцоо нэрээр үгсэн хуйвалдаж их хэмжээний хөрөнгө авч, тэрийгээ эмнэлгийн төлбөр мэтээр буцаан хагасыг нь төлдөг асуудал өнгөрсөн хугацаанд явсаар иржээ. Түүнээс гадна, хувьчилж авсан байгууллагад нь төрийн өмчийг буцааж өгөх шаардлага хүргүүлэхэд 30 сая ам.долларын нөхөн төлбөр өгөхгүй бол эмнэлгийг буцааж өгөхгүй гэсэн асуудал ярьсан. Төр өөрийн өмчөө алдчихаад буцааж авахдаа төлбөр төлнө гэсэн асуудал байхгүй. Тиймээс бүх асуудлыг хуулийн дагуу шийдвэрлэж төрийн өмчид уг эмнэлэг буцаж ирэхээр болсныг албан ёсоор мэдэгдэж байна”.