Аялал жуулчлалын зориулалтаар олгодог газар ашиглах зөвшөөрөл газрын наймаа болжээ

Заригийн дугтуй сурвалжлага Горхи, Тэрэлжийн байгалийн цогцолборт газарт олгосон газар ашиглах гэрчилгээ газрын наймаа болсон бодит жишээг танд хүргэх гэж байна.  Төрөөс аялал жуулчлалыг дэмжих чиглэлд энэ бүс нутагт газар ашиглах зөвшөөрөл олгоод 22 жил болжээ. Өнөөдөр зөвшөөрөл авсан гурван аж ахуй нэгжийн ердөө нэг нь л үйл ажиллагаа явуулж байна.   

Улсын хэмжээнд 120  тусгай хамгаалалтын газар бий. Үүний нэг нь Горхи-Тэрэлжийн байгалийн цогцолборт газар.  Энэ бүс нутгийн хамрах хүрээ Төв аймгийн Эрдэнэ сум болон Нийслэлийн налайх дүүргийн 6-р хорооны нутаг дэвсгэрт хамаатах 292 мянган га газар.  БОАЖЯ-аас авсан мэдээллээр энэ оны 02 дугаар сарын 09-ны байдлаар 440 иргэн, аж ахуйн нэгж, байгууллага 1260 га газрыг аялал, жуулчлалын зориулалтаар газар ашиглах эрх авчээ. Үүний ердөө гуравны нэг болох 140 иргэн, аж ахуйн нэгж байгууллага зориулалтын дагуу үйл ажиллагаа явуулж байна.

Улсын хэмжээнд 120 тусгай хамгаалалттай газарт 32.7 сая га газар хамрагддаг байна. Энэ нь нийт нутаг дэвсгэрийн 21 орчим хувь юм. Үүний 97 хувийг зөвхөн  Богдхан уулын дархан цаазат газар, Горхи-Тэрэлжийн байгалийн цогцолбор газар, Хөвсгөлийн байгалийн цогцолбор газарт газар ашиглах гэрчилгээ олгожээ.