Ч.Мөнхбаярт мөнгө өгсөн хүн нь гадны Элчин сайдын яамны ажилтан байжээ

ТЕГ-аас Иргэн Ч.Мөнхбаярыг гадаадын тагнуулын  байгууллагын үүрэг даалгавар, санхүүжилтээр үйл ажиллагаа явуулж, хууль бусаар хамтран ажилласан нь тогтоогдсон тухай мэдээллийг өнгөрсөн долоо хоногт мэдээлсэн. 

Харин түүнийг хоёрдугаар сарын 17-ны өдөр гадны улсын элчин сайдын яамны ажилтантай уулзаж, монгол мөнгөөр 200 орчим сая төгрөг авч байхад нь газар дээрээс нь баривчилсан байна. 

Тэрбээр Монгол Улсыг БНХАУ, Орос улстай эв түнжингүй байлгах зорилго агуулж, гуравдагч орны хүсэл сонирхлыг биелүүлдэг байжээ.

Улмаар Ч.Мөнхбаяртай холбоотой гадаад улсын элчин сайдын яамны ажилтныг эгүүлэн татахыг манай улсын Гадаад хэргийн яамнаас хүссэн байна. Хэрвээ эгүүлэн татахгүй бол ТЕГ-аас хүч хэрэглэн, дайчлан баривчлахыг мэдэгджээ. 

Хуульд "Монгол Улсын иргэн Гадаадын тагнуул алба, байгууллага, иргэнтэй хууль бусаар хамтран ажиллаж  төрийн нууцад хамаарах мэдээ, баримт, эд зүйлийг хулгайлсан,  цуглуулсан хадгалж дамжуулсан бол найман жилээс 15 хүртэл хугацаагаар хорих ялаар шийтгэнэ" гэж заасан байдаг.