Хөгжлийн банкны асуудлаар нээлттэй сонсгол ирэх сарын 07-нд болно

Хөгжлийн банкны чанаргүй зээлийн асуудал олон нийтийн анхаарлыг татаж буй юм. Хөгжлийн банкнаас олгосон нийт зээлийн 55 хувь нь чанаргүй, албан тушаалтнуудын хамаарал бүхий компанид олгогдон, эргэн төлөлтгүй байгаа юм. 

Уг асуудлаар "Өөрөөр нь төлүүлье" хэлэлцүүлгийг Зариг.мн сайтын сэтгүүлч Н.Өнөрцэцэг, Улаан бал нэвтрүүлгийн сэтгүүлч Ч.Лодойсамбуу нар энэ сарын 11-нд зохион байгуулсан. 

Тэдний хэлэлцүүлэг тодорхой үр дүнд хүрч Хөгжлийн банкны асуудлаар УИХ-аас нээлттэй сонсгол хийхээр болсон талаар УИХ-ын дарга Г.Занданшатар мэдэгдэж байсан билээ. Тэгвэл нээлттэй сонсгол гуравдугаар сарын 07-нд болох тов гарчээ.