06:00-07:00 цагт түгжрэл өмнөх долоо хоногоос 23 хувиар өсчээ

2021-2022 оны хичээлийн жилд нийслэлийн төрийн болон төрийн бус өмчийн (төрийн 152, төрийн бус өмчийн 129) Ерөнхий боловсролын 281 сургуульд 340.069 суралцагч суралцаж байна. Үүнээс их тойрууд байрладаг буюу түгжрэлд нөлөө үзүүлж буй төрийн өмчийн 23, төрийн бус өмчийн 36 нийт 59 сургуулийг сонгон авч хичээл эхлэх, дуусах цагт өөрчлөлт оруулсан. Эдгээо 58 сургуульд 85207 хүүхэд суралцаж байна. Ингэж нэг цагт хэт их ачаалал үүсгэж байсныг саармагжуулан жигд тарааж өгснөөр замын хөдөлгөөгий оргил ачаалал 12.5%-иар буурна гэж тооцоолсон.

Замын хөдөлгөөн удирдлагын төвөөс өмнөх 7 хоногийн Даваа гарагийн түгжрэлийн оргил цагийг өнөө өглөөний оргил цагтай харьцуулжээ. 06:00-07:00 цагт түгжрэл өмнөх 7 хоногоос 23 хувиар өссөн бол бусад цагуудад 17, 21 хувь гэх мэтээр буурсан байна.

Цагийн зохицуулалттай холбоотойгоор энэ долоо хоногийн турш тодорхой байршлуудад ажиглалт хийгээд бусад үетэй харьцуулсан судалгаа хийгээд харвал үр дүн харагдана гэдгийг албаныхан хэлж байна.