Э.Цолмонбаяр: Хэрвээ зөв шийдвэр гарахгүй бол Лиг зохион байгуулагчдаас 600 сая төгрөг нэхэмжилж байгаа

Алтан Дорнодын “Дайчид” баг Этүгэн Баянгол Ирвэсүүд багтай таарч тоглох үеэрээ шүүгчдийн алдаатай шүүлтээс болж оноо идүүлж хожигдол хүлээсэн гэж үзэн шаардлага хүргүүлж, 600 сая төгрөг нэхэмжилсэн байна. Буруу шүүлт явуулсан нь тоглолтын дүрс бичлэг болон протоколоор тогтоогджээ. 

Тодруулбал, Тоглолтын 3-р үеийн 3 минут 23 секундэд О.Энхбаатар алсын зайнаас довтолж 3 оноо авч багийн оноо 54 болсон бөгөөд үүнээс хойш 3 минутын дараа буюу 3-4 довтолгоо явсны дараа 1 минут 16 секунд дээр оноог 55 болох ёстой байсан боловч 1 оноо хасаж 53 болгоод торгуулийн шидэлт орох үед буцаан 54 болгосон ноцтой алдааг тэмцээний шүүх бүрэлдэхүүн гаргасан мөн  2-р үеийн 1 минут 16 секундэд Этүгэн Баянгол Ирвэсүүд багийн А.Энхбаясгалан  3-ын зураас гишгэж довтолсон довтолгоог 2 оноогоор бус 3 оноогоор тооцсон зэрэг алдаатай шүүлтүүд гаргасны улмаас  “Дайчид” баг үндсэн цагт 87:85 гэсэн онооны  харьцаатайгаар хожил байгуулах ёстой байсан боловч буруу, алдаатай шүүлтийн улмаас нэмэлт цаг гарч хожигдолд хүргэсэн байна.