ОХУ-ын хамгийн том шингэн хүнсний олон улсын үзэсгэлэнд эх орноо төлөөлж "АПУ" ХК оролцлоо

Москва хотод болсон ОХУ-ын хамгийн томд тооцогдох 29 дэх удаагийн “Продэкспо” олон улсын үзэсгэлэнд АПУ ХК экспортын брэнд бүтээгдэхүүнүүдээ дэлхийдтаниулан оролцсон байна. Уг үзэсгэлэнд дэлхийн 30 гаруй улсаас 2660 гаруй томоохон компаниуд жил бүр оролцдог бөгөөд 115 гаруй улсаас сүлжээ дэлгүүрийн төлөөлөл, бизнес эрхлэгчид, сонирхогчид зорин ирж зах зээлийн судалгаа хийхийн зэрэгцээ дэлхийн чиг хандлагатай танилцдаг. Энэ удаад буюу цар тахлын үеийн тээвэр логистикийн хүндрэл бэрхшээлтэй үед ийнхүү гадаад зах зээлд бүтээгдэхүүнээ танилцуулж экспортын хүчин чармайлтаа нэмэгдүүлснээр Монгол Улсын эдийн засагтэергээр нөлөөлөх үйл явдал болж байна.

Тус үзэсгэлэнгийн онцлог нь дэлхийн улс орнууд брэнд бүтээгдэхүүнээ сурталчлахаас гадна ОХУ-ын шингэн хүнсний зах зээлийн чиг хандлага, тавигдах стандарт, бөөний болон жижиглэн худалдааны систем, сав баглаа боодлын технологийн шинэ чиг хандлага тэргүүтэй олон төрлөөр хэлэлцүүлэг, форум зохион байгуулагддаг нь зах зээлд оролцогчдын хувьд томоохон давуу тал бий болгож буй юм.

АПУ ХК нь сүүлийн 10 гаруй жил экспортоо нэмэгдүүлэхээр зорьж буй бөгөөд өнгөрсөн нэг жилийн хугацаанд ОХУ-д нийлүүлсэн экспортын хэмжээ 220хувиар огцом өссөн амжилттай ажиллаж байна.