ЭМЯ: Өнгөрөгч хоногт 893 хүнээс халдвар илэрлээ

Өнгөрөгч 24 цагийн хугацаанд улсын хэмжээнд хийсэн шинжилгээгээр Covid-19-ийн 893 шинэ тохиолдол батлагджээ. Нийт илэрсэн тохиолдлын 465 нь Улаанбаатарт, 428 нь орон нутагт бүртгэгдсэн талаар ЭМЯ-наас мэдээллээ. 

Мөн хугацаанд  41-60 насны нэг эмэгтэй нас баржээ. Ингэснээр нас барсан нийт тохиолдол 2073-д хүрэв.

Өнөөдрийн байдлаар эмнэлэгт 6855 хүн хэвтэн эмчлүүлж байгаагаас 628 хүний биеийн байдал хүнд байгаа бол маш хүнд оноштой 160 хүн байна. Хөнгөн оноштой нийт 23223 хүн гэрээр эмчлүүлж байна.