Ерөнхийлөгч У.Хүрэлсүх бөө, удган нарын төлөөллийг хүлээн авч уулзжээ

Өчигдөр буюу хоёрдугаар сарын 11-ний өдөр Монгол Улсын Ерөнхийлөгч У.Хүрэлсүх тэнгэр шүтлэгтэй хүмүүсийн төлөөллүүд болох эрдэмтэн, доктор, судлаач, бөө, удган, улаачдыг хүлээн авч уулзсан байж болзошгүй байна. 

Энэ талаар Аргалдай хэмээх улаач Монголын бөөгийн түүхэнд бичигдэх үйл явдал болсон гэдгийг онцлон өөрийн цахим хуудастаа бичсэн байна. Тэрбээр "Төрийн тэргүүн  тэнгэр шүтлэгтэй хүмүүсийн төлөөлөл болох эрдэмтэн, доктор, судлаач, зайран, удган, улаач нарыг хүлээн авсан хүндэтгэлийн хүлээн авалт боллоо. Энэхүү үйл ажиллагаанд залуу үеийн төлөөллүүдийн нэг болон оролцсон доо туйлын их баяртай байна. Зохион байгуулсан болон идэвхи чармайлт гаргасан бүх хүнд тэнгэр шүтлэгт хүмүүн бүхний өмнөөс талархаж байгаагаа илэрхийлмээр байна.

Хир хугацааг туулж ямар их саад бэрхшээлийг даван туулж төрдөө үнэлэгдэж төрийн тэргүүнтэйгээ уулзаж байгааг ахмадуудынхаа нулимс унаган хэлсэн үгнээс үнэ цэнийн мэдэрсэн 13-р зуунаас хойш анх удаа төр нь тэнгэр шүтлэгээ соёрхож хүндэтгэсэн гэж ойлгосон доо.Цаашид бид бүхэн эв нэгдэлтэй байж олон2 үйлд хамтын хүчээр нэгдэж цаг үетэйгээ хөл нийлүүлэн хамтдаа өсөн дэвжих нь тэнгэрийн хүсэл гэж бодож байна. Та бүхэндээ хамгийн сайн сайхан бүхнийг хүсэн ерөөе.Хөх мөнх тэнгэр минь үрс биднээ өнө мөнхөд ивээн тэтгэж явах болтугай. Хүндэтгэсэн: Аргалдай улаач” гэжээ.