​Б.Баярбаатар: Ч.Ундрам, Ц.Анандбазар зээлээ төлсөн байх нь хамаагүй, хариуцлага яригдана

Өчигдөр /2022.02.11/ сэтгүүлч Н.Өнөрцэцэг, Ч.Лодойсамбуу нарын санаачилж, хэвлэл мэдээллийн байгууллагууд хамтарсан “Өрийг өөрөөр нь төлүүлье” хэлэлцүүлэг "Туушин" зочид буудалд зохион байгуулагдсан билээ. Нийт 100 гаруй төлөөлөл оролцсон уг хэлэлцүүлэг болохоос өмнөх шөнө УИХ-ын гишүүн Ч.Ундрам, Ц.Анандбазар нарын хамаарал бүхий компаниуд зээлээ төлсөн тухай бид мэдээлсэн билээ. Хэдийгээр зээлээ бүрэн төлж дуусгасан ч  “МАН авлига, албан тушаалын хэрэг болон бусад гэмт хэрэгт холбогдсон нь хууль, хяналтын байгууллагаар тогтоогдоод, шалгагдаж эхэлсэн бол намын гишүүнээс түдгэлзүүлэхээр болсон. Энэ дагуу ёс зүйн алдаа дутагдал гаргасан бол тэр хүний зээлээ төлсөн төлөөгүй байх нь хамаарахгүй хариуцлага яригдах учиртай" тухай МАН-ын Хяналтын ерөнхий хорооны дарга Б.Баярбаатар мэдэгдсэн байна. 

УИХ-ын гишүүн Ч.Ундрам гишүүний хамаарал бүхий "Вояжер минерал ресурсес" уул уурхайн компани үлдэгдэл 3.6 тэрбум  төгрөг, "Сод монгол" компани 3.6 тэрбум төгрөгийн зээлтэй байсан бөгөөд бүрэн төлөөд байгаа юм.