ХӨГЖЛИЙН БАНК: Шүүх рүү шилжсэн зээл хамгийн багадаа зургаан жилийн дараа шийдэгддэг

Хөгжлийн банкны зээлтэй холбоотой “Өөрсдөөр нь төлүүлье” хэлэлцүүлэг  үргэлжилж байна.  

 Хөгжлийн банкны Экспорт, импорт, худалдааны санхүүжилтийн газрын захирал Б.Амгалан “Шүүх хяналтын байгууллагад шилжүүлээд зээлийг нь төлүүлэх гэхээр хамгийн багадаа 70 сар буюу зургаан жилийн хугацаа зарцуулагддаг.  Хөгжлийн банк гаднаас татан төвлөрүүлсэн эх үүсвэртээ хүү төлж нөгөө талдаа актив талын зээлийн хүү зогсох эрсдэлтэй. Хугацаа алдах хэрээр ирэх оны төсгөлд төлөх 800 сая ам.долларын бондын төлбөрийг хугацаанд нь төлж барагдуулахгүйд хүрэх эрсдэл байна. Засгийн газрын баталгаатай гаднаас авсан зээл төлөгдөхгүйд хүрвэл энэ зээлүүд нь ч гэсэн буцаан татагдах учраас аль болох зээлийг төлүүлэхээр бид ажиллаж байна. Нийт 29 зээлийг шүүхэд шилжүүлсэн. Нэгдүгээр сарын 20-ны өдрөөс хойш 39 тэрбум төгрөгийн зээлийн эргэн төлөлт хийгдсэн. Үүний дийлэнх нь хугацаа хэтэрсэн болон шүүхэд хандсан зээл байна. Ханшийн зөрүүний тухайд цаашид зээлдэгчдийн ханшийн зөрүүг  хаах зорилгоор зээлдэгч нар зөвлөгөө өгч хамтран ажиллах бүрэн боломжтой.