Эдийн засагч Л.Наранбаатар: Х.Баттулга яасан ханаж цаддаггүй юм бэ, төмөр замыг хүртэл идсэн

Хөгжлийн банкны зээлтэй холбоотой “Өөрсдөөр нь төлүүлье” хэлэлцүүлэг "үргэлжилж байна.

Энэ үеэр эдийн засагч Л.Наранбаатар дараах байр суурийг илэрхийлэв. 

Тэрбээр "Цар тахлын улмаас хил гааль хаалттай байгаа энэ үед зээлээ хариуцлагатай төлөөд явж байгаа ААН-үүд хэлмэгдүүлэх вий гэдгийг анхааруулъя. Харин улстөрчдийн нөлөө орж ямар ч барьцаа хөрөнгөгүйгээр зээл аваад төлөхгүй байгаа хулгайч нарт хатуу хариуцлага тооцох ёстой. Ажлын хэсэг хамгийн түрүүнд улстөрчдийн нөлөөгөөр зээл авсан эздийг нь зарлаж, байх ёстой газар руу тэднийг явуул. Хэрэв 2015 онд хийсэн Хөгжлийн банкны шалтгалын дүн тухайн үед хэлэлцэн шийдвэрлэсэн бол өнөөдөр Хөгжлийн банкны зээлийн тал хувь нь эрсдэлгүй зээлийн ангилалд орохгүй байх байлаа. Жирийн банкны зээлийн таван хувь нь чанаргүйд ороход улаан гэрэл асдаг, менежментийн маш хатуу арга хэмжээг шуурхай авдаг. 

Хөгжлийн банк өнөөдөр дампуурлаа, цааш нь хэрхэх юм бэ. Бид хулгайчдын мөнгийг төлөхгүй. Бид Х.Баттулгаас нэхэх ёстой. Толгойноос нь эхлээд ярих ёстой. Х.Баттулгын туслах байсан н.Ууганбаяр 19 настайгаасаа хойш хамт ажиллаж байгаа зөвлөх нь юм билээ. 142 тэрбум төгрөгийг Нью яармаг хаус гэсэн төрийн өмчийн компанитай нийлж зээл аваад мурьчихсан. Шүүх дээр очоод хүртэл барьцаагаа суллуулсан. Х.Баттулга гэдэг хүн яасан ханаж, чаддаггүй юм бэ. Төмөр замыг төрийн нууцад оруулж байгаад идсэн хүн одоо Хөгжлийн банкнаас идчихлээ. Шалга энэ хүнийг, жараахайг бус томоос нь эхлээд хөөцөлд" гэлээ.