Б.Солонго: Авлига, албан тушаалын хэргийг хялбаршуулсан журмаар шийдвэрлэдэггүй болно

Хөгжлийн банкны зээлтэй холбоотой “Өөрсдөөр нь төлүүлье” хэлэлцүүлэг "Туушин" зочид буудалд үргэлжилж байна.  

Хэлэлцүүлэгт оролцогчид хөөн хэлэлцэх хугацаагаар ял завшдаг талаар тодрууллаа. Үүнд ХЗДХ-ийн дэд сайд Б.Солонго хариулахдаа "Эрүүгийн хуулийн шинэчилсэн найруулга болон Зөрчлийн хуулийн шинэчилсэн найруулгын хуулийн төслийг яамнаас боловсруулж байгаа. Сүүлийн 10 гаруй жилд шүүхийн практикт гарсан хэргүүдэд дүн шинжилгээ хийж үзээд ял завших, хөөн хэлэлцэх хугацаатай холбоотой асуудлуудыг  Эрүүгийн хуулийн шинэчилсэн найруулгын хуулийн төсөлд эргэж харахаар тусгасан.  Авлигын хэргийг хялбаршуулсан журмаар хянан шийдвэрлэх боломж байгаа учраас ялын зөөлөн бодлого үйлчилж байгааг шүүмжилдэг.Тиймээс авлига, албан тушаалын гэмт хэрэг үйлдсэн бол хялбаршуулсан журмаар хэргийг шийдвэрлэхгүй байхаар хуулийн төсөлд өөрчилж байгаа" гэв.