Хөгжлийн банкнаас А.Сүхбат зээл авахад нь Ерөнхийлөгч У.Хүрэлсүх нөлөөлсөн үү?

УИХ-ын гишүүн асан А.Сүхбатын хамаарал бүхий “Түгээмэл түмэн хишиг” компани 2020 онд Хөгжлийн банкнаас 18.5 тэрбумыг авсан бөгөөд нийт төлөх зээлийн хэмжээ 23 тэрбумд хүрсэн талаар бид мэдээлсэн. Уг зээлийн төлөлт өнөөдрийг хүртэл хийгдээгүйн улмаас шүүхэд шилжих зээлийн жагсаалтад ороод байгаа юм. "Түгээмэл түмэн Хишиг" ХХК Өмнөговь аймгийн Цагаан хад, Гашуунсухайтын замд Автозогсоолын цогцолбор үйлчилгээ ажиллуулдаг. 

Тухайн үед энэхүү зээлийг авахад одоогийн Ерөнхийлөгч У.Хүрэлсүх нөлөөлсөн гэж хэлж болохуйц бичлэг байдаг. Тодруулбал,  Ерөнхий сайд асан У.Хүрэлсүх Хөгжлийн банкныхантай уулзах үеэрээ “14 мянган жолоочийн амь настай холбоотой асуудлыг шийдээд өгье, амралтын газар байгуулъя, усанд оруулья, хоол ундаар хангая, эмнэлгийн үйлчилгээг нь үзүүлье гээд хувийн хэвшлийнхэн санал санаачилга гаргаад төртэйгөө хамраад ажиллахаар  5,10 төгрөгийн зээлийг нь өгөхгүй. Ингээд тэнд 14 мянган жолооч хоол ундгүй, унтах газаргүй зарим нь шатаж үхэж байна. Тийм учраас энэ ААН-үүдээ дэмж за юу, би энэ хүмүүстэй би ямар ч холбоогүй,зөв юмыг нь дэмжээд явна. Энэ хүмүүс гараад зугтчихгүй байх” гэсэн байр суурийг илэрхийлж байв. 

БИЧЛЭГ

Эндээс дүгнэвэл, Ерөнхийлөгч У.Хүрэлсүх Ерөнхий сайд байхдаа А.Сүхбатыг Хөгжлийн банкнаас зээл авахад нь нөлөөлсөн байж болзошгүй нөхцөл байдал харагдаж байна. Харин энэ талаар УИХ-ын гишүүн асан А.Сүхбатаас өнөөдөр /2022.02.10/  "Зариг "шууд асуухад тэрбээр "Би ч гэсэн Хөгжлийн банкныханыг одоо тэгж хэлмээр санагддаг. Тухайн үед тодорхой хэмжээний зээлүүдээ удааснаас  өөр банкнаас зээл авхуулсан ийм асуудал байгаа. Ямар, ямар зээл авч юу хийж байгаагаа АТГ-т бид мэдүүлдэг” гэлээ.