Зорилтот бүлэг болон асрамжийн төвүүдийн хүүхдүүдэд ковидын дараах сэргээн засах үйлчилгээ хийхээр боллоо

НЭМГ-аас Зорилтот бүлгийн хүүхдийн амьсгалын эрхтэн тогтолцооны өвчний сэргээн засах эмчилгээг хийх удирдамж гаргажээ.

Коронавирус халдвар цар тахлын давалгаа нь томуу, томуу төст өвчний дэгдэлттэй хавсарч байгаа болон агаарын бохирдол их байгаа зэрэг шалтгаануудаас болж хүүхдийн амьсгалын эрхтэн тогтолцооны эмгэг нэмэгдэж байна.

Иймд уушгины хатгаа болон цочмог бронхит өвчнөөр өвдсөний дараа амьсгалын дээд, доод зам бүрэн цэвэршиж, эрүүлжихэд сэргээн засах эмчилгээ хийх нэн шаардлагатай  байдаг тул зорилтот бүлгийн дархлаа дутмагшилтай, суурь өвчлөлтэй хүүхдүүдэд амьсгалын эрхтэн тогтолцооны өвчний сэргээн засах эмчилгээг хийх ажлыг өргөжүүлэх хэрэгтэй байгаа юм.