С.Баяр: Улсаа хөгжүүлнэ гэсэн банк өрөнд орж, арай л дэндүү юм болжээ

Монгол Улсын Хөгжлийн банкны 1.6 их наяд төгрөг эрсдэлд орж, цаашид хэвийн үйл ажиллагаа явуулахад хүндрэл үүсээд байгаа билээ. Тус банкнаас зээлээ төлөөгүй  66 зээлдэгчийн 75 зээлийн төрлийг олон нийтэд зарласан. Хөгжлийн банкнаас зээл авсан ААН-үүдийн ард улстөрчдийн хамаарал бүхий компаниуд байгаа нь нотлогдож байгаа талаар манай сайт цувралаар хүргэж байгаа.

Ерөнхий сайд асан С.Баяр өөрийн цахим хуудсандаа Хөгжлийн банкны асуудлаар дараах зүйлийг бичжээ. Тэрбээр "Энэ Хөгжлийн банкны кэйс манайдаа л "Уотэргэйт" болох шинжтэй.Санаатай, санаагүй нь хамаагүй арай л дэндүү юм болж. Улсаа хөгжүүлнэ гэж байгуулсан  банк, улсаа өрөнд унагаж. МАН их хурлаараа сая юу тунхаглав. Тэрнийгээ одоо яг хэрэгжүүлдэг түүхэн цаг  үе мөн гэж харагдана" гэжээ.