Барилгын хашаанд гал гарч 58 настай иргэн амиа алджээ

Галд нэг иргэн амь насаа алдсан харамсалтай явдал урд шөнө буюу 2022.02.04-ний шөнийн 02:26 цагт ХУД-ийн 4-р хороо Мөнххада компаний хажуу талд барилгын дэлгүүрт гал гарсан байна. 

Гал гарч байна гэсэн дуудлагаар ГТУА 14-р ангийн салааны захирагч, д/ч 3.Өсөхбаяр удирдсан 9 алба хаагч, 2 автомашинтай гарч 02:34 цагт очиход ХУД-н 4-р хороонд байрлах “Андын зам констракшн”ХХК-ний баригдаж байгаа барилгын хашаанд байрлах 12*2 метрийн хэмжээтэй төмөр чингэлэгийн дээвэр дээр 1,5*1,5 метрийн хэмжээтэй модон харуулын байр шатаж байсныг унтрааж чаджээ. 

Харамсалтай нь галд 58 настай эрэгтэй иргэн Л өртөж нас барсан байсныг гарган ХУД-н Цагдаагийн 2-р хэлтсийн мөрдөгч, ахмад Б.Мөнхнаранд хүлээлгэн өгч ажилласан байна.

Галын аюулгүй байдлыг хангаагүйн улмаас ялангуяа шөнө үүрийн цагаар гал гарч амь нас, эрүүл мэндээр хохирох өндөр эрсдэлтэй байгаа тул цахилгааны аюулгүй байдлыг бүрэн хангаж, асаасан арц хүж, зулыг хяналтгүй орхихгүй байхыг нийслэлийн Онцгой байдлын газраас онцгойлон сэрэмжлүүлж байна.