С.БЯМБАЦОГТ: Хөгжлийн банкны зээлээр баруун бүсэд барилгын материалын үнийг хямдруулах үйлдвэр баригдаж байгаа

Хөгжлийн банкнаас УИХ-ын гишүүн С.Бямбацогтын хамаарал бүхий компани зээл авсантай холбоотойгоор тайлбар хийв.

Тэрбээр "  “Вестерн холд” компанийг Хөгжлийн банкнаас зээл авахад ямарваа нэг байдлаар хөндлөнгөөс нөлөөлөөгүй гэдгээ хариуцлагатайгаар мэдэгдэж байна. “Вестэрнхолд ХХК”-ийн хэрэгжүүлж буй Ховд-Эко цемент бол хөгжлийн төсөл. 2019 оны тавдугаар сард Ерөнхийлөгч У.Хүрэлсүх Ерөнхий сайдаар ажиллаж байхдаа шавыг нь тавьж эхлүүлсэн том төсөл.  Нийслэлээс 1,500-1,600 км алслагдсан баруун бүсэд цемент үеийн үед тэнгэрт хадсан үнэтэй байж ирсэн. Үүнээс болж төсвийн хөрөнгө оруулалтаар хийгдэж байгаа бүтээн байгуулалтын ажил ч, хувийн хэвшлийнхэн, иргэдийн барилга байгууламж өндөр өртөг зардалтай баригддаг.Энэ асуудлыг шийдэх, цементийн үнийг хотынхтой адил болгож хямдруулах зорилготой хөгжлийн төсөл" гэлээ.