Баримт: Н.Батсууриа ард түмнийг бүү бас, допинг маш их, маш бага илэрлээ гэх хариу ирдэггүй юм

XVII жарны "Буян үйлдэгч" хэмээх усан барс жилийн хаврын тэргүүн сар, сар шинийн баярт зориулсан Улс, аймгийн алдар цолтой 256 бөхийн барилдаан өнөөдөр эхэллээ. 

Энэ удаагийн Цагаан сарын барилдаанд Даян аварга Н.Батсуурийг бүртгэж аваагүй. Тэрбээр барилдах хүсэлтэй байгаагаа илэрхийлж байсан ч МҮБХ-оос бүртгэх боломжгүй тухай хариу өгсөн байдаг. 

Даян аварга Н.Батсуурь өнөөдөр /2022.01.31/ МҮБХ-оос тогтоолын хуулбар ирсэн учир барилдуулах болов уу хэмээн  Монгол бөхийн өргөөнд очсон ч зодоглуулаагүй тухай дөнгөж сая хэвлэлд ярилцлага өгсөн. Тэрээр "Би Цагаан сарын барилдааныг маргаантай болоосой гэж хүсээгүй учир ийнхүү зодоглосонгүй" гэж хэлсэн юм. 

Тэгвэл өнгөрсөн хугацаанд тэрээр арваннэгэн сарын хугацаанд барилдах эрхээ хасуулаад байсан юм. Түүнээс авсан допингийн шинжилгээгээр тремитазини гэх бодис илэрсэн байдаг. Аварга үүнийг маш бага хэмжээгээр илэрсэн гэж олон нийтэд тайлбарладаг ч допинг илэрсэн л бол үүнд их, бага гэх ойлголт байдаггүй аж.