Ч.Хүрэлбаатар: Төрийн мөнгөний хойноос бүх гишүүд гүйх ёстой, эцсийн өмчлөгчдийг ил зарлах хэрэгтэй

Өнөөдрийн УИХ-ын ээлжит бус чуулганаар Хөгжлийн банктай холбоотой асуудлаар Төсвийн байнгын хорооны дарга Ч.Хүрэлбаатар "Хөгжлийн банк 2020 оны дөрөвдүгээр сард ЗГХЭГ-аас Сангийн яамны харьяанд ирсэн. Түүнээс хойш энэ банкнаас зээл аваад өгөхгүй байгаа нийт 25 зээлдэгчийг шүүхэд өгсөн. Зарим нь шийдэгдээд, зарим нь буцсаар өнөөдрийг хүрлээ. 

Хөтөл хэнийх вэ? цаад эзэн нь хэн бэ гэдэг нь бүгдэд тодорхой ш дээ. Тиймээс ер нь зээлээ төлөхгүй байгаа зээлдэгчдийн эцсийн өмчлөгчийг ил болгох хэрэгтэй байна" гэсэн бол УИХ-ын гишүүн Б.Бат-Эрдэнэ үүнийг дэмжиж нэр устай нь зарлах хэрэгтэй гэсэн юм. Түүнчлэн УИХ-ын гишүүн Ч.Хүрэлбаатар "Төрийн мөнгийг банкандаа авчхаад буцаагаад төлөхгүй байгаа Чингис хаан банк, Үндэсний хөрөнгө оруулалтын банкуудад хариуцлага хүлээлгэх ёстой. Мөн Хаан банкийг авсан эцсийн өмчлөгч нь хэн бэ гэдгийг ил гаргах ёстой" гэсэн юм.