Эргэлт.мн мэдээллийн сайтын редакцад Эрүүгийн цагдаагийн газраас шалгалт хийж байна

Өнөөдөр /2022.01.31/ Эрүүгийн цагдаагийн газраас хэвлэл мэдээллийн Эргэлт.мн сайтад шалгалт хийж эхэлсэн байна. Тус сайт Сэлэнгэ аймгийн Хүдэр сумын нутгаас их хэмжээний мод шилжүүлэн суулгах тусгай зөвшөөрөлтэй гэх нэрээр хэдэн зуун мянган зулзаган модыг дуртай газраасаа үндсээр нь булгалж, машин машинаар зөөж, Улаанбаатар хотын тансаг хотхонуудын ногоон байгууламжийг бүрдүүлэлцэж байгаа гэж мэдүүлээд "Тэрбум" мод-нд нийлүүлж, тоонд нь оруулж байж болзошгүй байдлыг тухай өнгөрсөн намар газар дээрээс нь сурвалжилсан байдаг. 

Нөлөө бүхий, эрх дархтай мод шилжүүлэн суулгах тусгай зөвшөөрөлтэй 5 компанийн хууль бус үйлдлүүд, мөнгө угаах бизнесийг баримтаар цувралаар дэлгэж, тэд ч, Ерөнхийлөгчийн Тамгын газраас ч "Шилжүүлэн суулгах зориулалттай модыг "Тэрбум мод" тарих аяны тоонд ёстой оруулаагүй" хэмээн мэдэгдэл хүртэл гаргаж байсан юм.

Тэгвэл өнөөдөр Эрүүгийн цагдаагийн газраас Ерөнхийлөгч болон түүний зөвлөхүүдийн гомдлоор тус редакцад ийнхүү нэгжлэг, ажлын байрны зураг авалт хийж эхэлсэн байна.