Ж.Бат-Эрдэнэ: Өмнө нь зээлгүй ахмадыг ялгаварлаж байсан шиг хандаж болохгүй шүү

УИХ-ын ээлжит бус чуулганы хуралдаан өнөөдөр \2022.01.28\ эхэллээ. Хуралдаанаар Монгол Улсын 2022 оны төсвийн тухай хуульд нэмэлт, өөрчлөлт оруулах тухай, Нийгмийн даатгалын сангийн 2022 оны төсвийн тухай хуульд өөрчлөлт оруулах тухай хуулийн анхны хэлэлцүүлгийг хэлэлцэв. 

Хэлэлцсэн асуудалтай холбогдуулан гишүүд асуулт асуулаа.

УИХ-ын гишүүн Ж.Бат-Эрдэнэ: 

Миний хувьд Ерөнхийлөгчийг, Ерөнхий сайд байхад саналаа хэлж байсан.Төрийн ажлын залгамж халаагаар орж ирж байгаа ажил гэж харж байна. Бид тэтгэврийн зөрүү арилгаж, доод хэмжээг 500 болгоно гэж ярьж байсан. Өнөөдөр бараа, бүтээгдэхүүний үнэ хэд дахин нэмэгдсэн. Инфляци нэмэгдэж байна, цаашдаа ч өргөн хэрэглээний үнэ өсөх нөхцөл байдал бүрдчихлээ. Энэ үед 350 мянган төгрөгийн тэтгэвэр авдаг 200 мянган ахмад энэ мөнгөөр амьдрахгүй. Тиймээс нэмэгдүүлэх нь зөв. Харин цаашдаа бодлого дээрээ анхаарах хэрэгтэй.Тэтгэврийн зээлийг тэглэсэн ч тухайн үедээ зээл аваагүй иргэдээ хохино гэсэн байдлаар орхисон тохиолдол бий. Энэ мэт алдаагаа давтаж болохгүй. 500 мянган төгрөгөөс дээш хэмжээтэй ахмад настны тэтгэврийг 15 хувиар нэмэгдүүлэхээр оруулж ирлээ.  Нийт тэтгэврийн ахмадын маань 80 хувь нь 500 мянган төгрөгийн тэтгэвэр авахаар болж байна.