Халамжийн тэтгэвэр болох 288 мянган төгрөгийг энэ оныг дуустал олгохоор боллоо

Өнөөдрийн байдлаар 75 мянган иргэн халамжийн тэтгэвэр буюу 288 мянган төгрөгийг авч байна. Өнгөрөгч оны тавдугаар сараас эхлэн уг тэтгэврийг "Цар тахлын тухай хууль"-иар 100 мянган төгрөгөөр нэмэгдүүлсэн байдаг. Уг нэмэгдэл энэ оны нэгдүгээр сараас эхлэн хуучин зохицуулалтад шилжих байсан ч "Цар тахлын тухай хууль" сунгагдсан учир энэ оныг дуустал 288 мянган төгрөгөөр олгогдохоор болсон байна. Харин ирэх даваа гараг гэхэд нэгдүгээр сарын нөхөн олговорыг иргэдийн данс руу шилжүүлнэ гэдгийг салбарын сайд хэллээ.