Б.Жавхлан: Тэтгэвэр нэмэхэд 637 тэрбум төгрөг шаардлагатай

УИХ ээлжит бусаар хуралдаж буй энэ үед зөвхөн тэтгэвэр нэмэхтэй холбоотой асуудлыг хэлэлцэж, тодотгол хийж байгаа юм. Тиймээс төсөвт өөр ямар нэгэн тодотгол хийх шаардлагагүйгээр уг санхүүжилтийг гаргах аж. Ингэхдээ 637 тэрбум төгрөгийг хоёр хэсэгт хуваан авч үзэж байгаа бөгөөд үүнээс 260 орчим тэрбум төгрөгийн хөрөнгө оруулалтыг хойшлуулж, 50 тэрбум төгрөгийн урсгал зардлыг танаж, мөн 30 тэрбум төгрөгөөр санхүүжих байсан гадны зээл тусламжийн ажлыг танаж байгаа аж. Харин үлдсэн 300 орчим тэрбум төгрөгийн санхүүжилтыг жилийн төсвийн гүйцэтгэлийн явцад хэмнэж болох зардлаас гаргах юм байна.