Хөгжлийн банкны зээлийн эргэн төлөлт сайжирчээ

Хөгжлийн банкны олгосон нийт зээлийн 55  хувь нь чанаргүй зээлийн ангилалд орсон. Энэ талаар хэвлэл мэдээллээр мэдээлж, манай сайт Хөгжлийн банкны найдваргүй зээлдэгчдийн ард нөлөө бүхий улс төрч, албан тушаалтан хэн байгаа талаар цувралаар гаргаж тавьсан юм. Тэгвэл чанаргүй зээлийн эргэн төлөлт сайжирч байгааг тус банкны гүйцэтгэх захирал Н.Мандуул хэллээ. 

Хөгжлийн банкнаас шүүхэд шилжүүлээд буй 841 тэрбум төгрөгийн өр төлбөр бүхий 26 компанийн ихэнхи нь улс төрчидтэй холбоотой байсан юм. Тодруулбал, Ерөнхийлөгч асан Х.Баттулга, БСШУ-ны сайд асан Ё.Отгонбаяр, УИХ-ын гишүүн асан Д.Дамба-Очир, Хотын дарга асан Э.Бат-Үүл, УИХ-ын гишүүн асан Б.Ундармаа нарын хамаарал бүхий этгээдүүдийн авсан зээлийн хэмжээ чанаргүй зээлд өндөр хувийг эзэлж байгаа юм.