Н.Тавинбэх: Дулааны шугам элэгдэлд орсон нь үнэн, зэвэрч муудсан хоолойгоор ус гүйж байна

Өчигдөр /2022.01.27/оройноос Амгалан дулааны станцад гэмтэл гарсны улмаас Баянзүрх дүүргийн зарим орон сууцнууд хэрэглээний халуун ус, халаалтгүй болсон байсан. Тодруулбал: Амгалан дулааны станцад тод тасарч хоёр газар дулааны сүлжээнд гэмтэл гарсан байсан юм.  

Тэгвэл урьд шөнийн байдлаар гэмтлийг арилгаж одоогийн байдлаар хэвийн байдалдаа шилжсэн гэдгийг хэллээ. Кино үйлдвэрт гарсан гэмтлийн хувьд 60 жил болсон ашиглалтаас гарсан шугам сүлжээ тасарсан гэдгийг салбарын Сайд хэллээ. "Гэмтлийг зассан, одоогоор хэвийн байдалдаа шилжсэн. Даралтыг болгоомжтойгоор нэмэгдүүлэхгүй бол дахин задрах эрсдэл бий. Гурван цагийн дараагаас айл өрхүүд дулаанаа хэвийн авч эхэлнэ" гэдгийг тэрээр хэллээ. Нийслэлийн хэмжээнд дулааны шугам сүлжээг засварлахад 11,4 их наяд төгрөг шаардлагатай аж.